大妈上身 空中喊惊要沖凉! 杜游珍

  • 阅读(421)
  • 点赞(974)
  • 收藏(213)
  • 日期(2020-06-29)

唔好误会,今期阿珍又搵单大妈失礼事件嘲笑一下又呃稿费,今次喊惊嗰位又係叫阿 珍,係Jennifer Aniston!刚刚钓到金龟豪花1亿美金去Bora Bora度蜜月嘅珍妮花,最近以5 亿美金身价同「 中东一号 」签约成为代言人,第一波广告竟然大妈上身,在飞机上吵闹要沖 凉,结果获得空姐耻笑,跟住仲因为无空中酒吧而激心到晕低,醒返原来发紧梦,平躺喺头等 舱嘅flat bed上!广告主要在欧美roll out,明显想将阿美利坚一众无服务可言的航空公司比下 去,不过十足十大台师奶剧一样嘅 storyline,当然引起网民千重浪,最啜核有人话坐「 中东一 号 」嘅 econ 都係一场恶梦。除咗打美国市场,「 中东一号 」明显想跟另一「 四个字 」中东航空斗过,人哋搵 Nicole Kidman 在空中套房华丽转身,Generic 地软销头等套房,珍妮花就硬桥硬马搵凉沖,事实证明,硬销嘅下场,咪同「 吉咩嘢家 」同一命运啰。

大妈上身 空中喊惊要沖凉! 杜游珍
(设计对白)